2012 də beləcə bitdi…
Monday, 31 December, 2012 17:55
2012 də beləcə bitdi…
 |
 |
 |
 |
Əvvəlki (2009, 2010, 2011) illərə sadiq qalaraq bu il üçün də hesabatımı bloqumda yazmağı özümə borc bilirəm…
Bu ili daha çox təcrübə toplamaqla məşğul olduğumu sadalasam yanılmaram. İl ərzində daha çox müxtəlif layihələr üzərində iş və təhsil sahəsində çalışmışam. İndi isə geniş hesabatımı sizlərə təqdim edim.
Demək belə…
MilliNet 2012 – Verdiyim səslər…
Thursday, 20 December, 2012 22:35
19 Dekabr 2012 tarixində Hilton Hotelində MilliNet 2012 İnernet mükafatının 13 kateqoriya üzrə qaliblərinin təqdimetmə mərasimi keçirildi.
Artıq IV dəfə keçirilən mükafatda funksionallıq üzrə münsif olduğum üçün əvvəlki illərlə müqaisədə olan bir neçə fərqləri qeyd edim. İlk olaraq onu deyim ki kateqoriyaların sayı çoxalmışdı, sonra saytlar əvvəlki illərlə müqaisədə daha keyfiyyətli olmuşdu. Keyfiyyətli saytın nə olduğunu bilməyənlər, saytları zəif olanlar, münsiflərin sayt haqqında dedikləri iradları boğazlarından keçməyənlər isə müsabiqədə iştirak etmir və ya da ki müsabiqəni pisləyirdilər. Belədə “Pişiyin ətə əli çatmayanda deyir iylənib” məsəli yada düşür.
Nə isə başınızı ağrıtmayım, keçim Funksional üzrə saytlara verdiyim mızlara. Bu dəfə saytlar daha keydiyyətli olduğu üçün müxtəlif kriteriyalar tərtib etmişdim. Və o kriteriyalar əsasında saytlara qiymətlər verdim, hətta gələcəkdə bu kriteriyalar üzrə startap layihə kimi reytinq sistemi də qurmaq fikrimə gəldi.
Demək belə ilk olaraq kriteriyalar barəsində.
E-imzanın müsbət və mənfi cəhətləri
Wednesday, 17 October, 2012 13:36
2 il bundan qabaq, “Vergilər Nazirliyinə” yeni bir şirkət açmaq məqsədiylə müraciət etmişdim. Bir ay boyunca sənədlər əlimdə ora-bura qaçaraq, bu işlə məşğul oldum. Hüquq şirkətinə zəng etdim, mənə dedilər ki, əgər 300 AZN ödəsən şirkətinizi ikicə günə aça bilərik. Təbii ki, mən bununla razı olmadım və özüm işin arxasıyca düşdüm. Məsələni bir ay ərzində həll etdim.
Nəticə isə belə oldu: Həm prosesi öyrənmiş oldum həm də ki, pulum cibimdə qaldı. 🙂
Nə başınızı ağradım, bu yaxınlarda daha yeni bir şirkət (İlk Addımlar) açmaq lazım idi. Yenidən həmin uzun yolu getmək istəmirdim. Eşitdiklərim və oxuduqlarımdan E-imza haqqında məlumatım var idi.
E-imza haqqında məlumat olan sayta daxil olmaqla bir çox yerlərdən imzanı almaq olduğunun şahidi oldum. Və qərara gəldim ki, ən rahat E-imza almaq üçün “Mərkəzi Poçt” yaxşıdır. Sonra saytda tariflərə baxdım. E-imzanın qiyməti 30 AZN idi. Ona görə əlimdə 30 AZN Mərkəzi poçta getdim.
Mövzudan kənar deyim ki, rabitə işçiləri ilə işləmək çox ləzzət verir. Kefləri yaxşı olanda müştəriləri mülayim qarşılayırlar. Bu insana çox xoş gəlir. Lakin şəxsi problemlərindən və ya rəislərindən əsəbi olan anlarda hamını söyməyə belə hazırdılar. :))) “109” nömrəli xidmətə zəng edəndə buna şahid oldum.
Uzun sözün qısası “Mərkəzi Poçta” daxil oldum və məni E-imza verilən otağa göndərdilər. Otaqda gözəl bir xanım oturmuşdu və mənə dedi ki, əlavə olaraq kart oxuyucu üçün 22 AZN verməlisən. “Əgər bir dəfə istifadə edəcəksənsə o zaman 30 AZN ödəmək kifayət edər” deyən xanıma 52.00 AZN ödədim və otaqdan çıxanda gələn həftənin V günü E-imzanı gəlib götürə biləcəyimi qeyd etdi. Növbəti həftənin V günü həmin yerə getdim və məlum oldu ki E-imza verən xanım toya gedib, nəticə etibarıyla mən imzanı I gün gəlib götürə bilərəm ancaq. 🙂
Beləcə toyu yola verdik və növbəti həftə nəhayət ki, E-imzanı əldə etdim.
Bundan sonra “Vergilər Nazirliyinin” saytına daxil oldum (e-taxes.gov.az) və E-imza vasitəsi ilə şirkətin qeydiyyatı üçün ərizə göndərdim, iki gün keçmədi ki, mənə zəng etdilər ki, gəlib VÖEN-ni (Heçbir pul ödəmədən) götürə bilərsiniz. Beləcə 2-3 gün evdən çıxmadan yenidən “Vergilər Nazirliyinin” saytında şirkətin qeydiyyatını etdim.
E-imza çox yaxşı bir vasitədir. Gələcəkdə bir çox xidmətlərin E-imza vasitəsiylə olmasını istərdim.
İndi isə, sizlərlə e-imza haqqında bir neçə maraqlı, müsbət və mənfi faktları bölüşürəm.
- E-imza almaq üçün çalışın ki, ehtiyat vaxtla müraciət edin, yoxsa kimsə toya gedə bilər və sizin hazır olan layihələriniz gecikə bilər.
- E-imza xidməti hal-hazırda yalnız dövlət orqanlarında istifadə ediliz. Hələki biznes layihələrinə tətbiq olunmayib.
- Vergilərdə qeydiyyatdan keçəndə çalışın ki, pul və s. təklif etməyəsiniz. Öz təcrübəmdən deyim ki, yeni şirkəti qeydiyyatdan keçirəndə həqiqətən də şok bir hal yaşadım. Mən oradakı xanım üçün Raffaello şirniyatı alıb aparmışdım, o isə az qala ağlayacaqdı ki, siz nə edirsiniz? Buna görə məni işdən atarlar. Bax bu əsl punktuallıq idi…
- Hal-hazırda E-imza layihəsi çərçivəsində ilk 1000 nəfərə pulsuz imza paylayırlar. Odur ki, pulsuz imza almağa tələsin.
İndi mən E-imza sahibi olduğuma görə çox sevinirəm.
Dövlət orqanları tərəfindən təklif edilən xidmətlərin fərqini isə sizin ixtiyarınıza buraxıram.
Azercell abunəçiləri üçün Bədxərc proqramı…
Thursday, 27 September, 2012 01:39
Azercell abunəçisi olduğum üçün həy ay İzahlı fakturanı e-poçtuma göndərirlər.
Bu xidmət çox xoşuma gəlir. Amma ki istədiyim məlumatı ordan çəkə bilmədiyim üçün faylları elə arxivə atırdım və onlar orda qalıb pas atırdı 🙂
Proqramist olmağım belə problemlə əlaqədar olan təklifləri Operatora və ya digər şirkətlərə təklif edib nəticə gözləmək yox, öz təşəbbüsüm ilə o problemi həll etməyi öyrədib mənə.
Bu gün nəhayət oturdum bir az fikrimi cəmləyib Bədxərc adlı bir balaca proqram yazdım.
Proqram nə edir.
– Azercell-dən gələn izahlı e-Fakturanı yükləyirsiz saytdan.
– Sizin ən çoxu hansı istiqamətlərdə çox xərcinizin çıxmasını hesablayıb sizə göstərir.
Bununla da bundan sonra mənə gələn İzahlı e-Fakturaları əvvəl bura atacağam və aylıq xərclərimi hesablayıb gələn ay ona uyğun işlərimi biləcəyəm.
Həvəsim olsa (Təkrar edirəm, olsa əgər : ) Hansı operatora və ya konkret hansı xidmətə daha çox pul xəncləndiyini də yazacağam.
Hələlik isə maraqlı olsa proqrama baxa bilərsiz.
P.S. Proqramın dizaynına fikir verməyin, mən dizayner deyiləm, lazımi məsələdirsə google prinsipi ilə getmək ən yaxşı vasitədir.
Xəzər TV, Həyata baxış verlişində…
Sunday, 9 September, 2012 14:12
Dünən (8 Sentyabr) Xəzər TV-də Həyata baxış verlişinə qonaq çağırılmışdım.
Mövzu İnformasiya təhlükəsizliyi idi. Ramal Hüseynov bu gün artıq videonu youtuba atıb.
Buyurub videonu izləyə bilərsiz. Şərh yazmaq yaddan çıxmasın 🙂
Ramal Huseynov – Heyata Baxış verilişi, İnformasiya Təhlükəsizliyi (I Hissə)
Ramal Huseynov – Heyata Baxış verilişi, İnformasiya Təhlükəsizliyi (II Hissə)
Yeni telefonum…
Monday, 16 April, 2012 22:25
Martın 7-si poniyə endirim təklifini müzakirə etmək üçün Mobitel-ə getmişdim.
Onlar isə, əlavə olaraq mənə bir Nokia Lumia 800 hədiyyə etdilər. Bundan sonra ora tez-tez getmək istədim lap 🙂
Bu günlərdə başladım telefonu incələməyə.
Bəzi müsbət və mənfi cəhətlərini qeyd etdim, onları sizlərlə də bölüşmək istərdim.
İlk olaraq müsbət cəhətlərini qeyd edim:
– Gözəl şəkil çəkmək funksiyası var, belə ki, digər telefonlardan fərqli olaraq, burda şəkil çəkmək üçün telefonun ekranında obyekti seçərək, üzərinə toxunmaq kifayətdir. Bu zaman, kamera obyekti əsas götürərək şəkli çəkir.
– Ekranın həssaslığını digər Nokialarda müşahidə etməmişdim. Çox həssasdır.
– Marketdən Flashlight yüklədim, elə bil əsl fanardır, çox güclü işıq salır 🙂
– Google contacts ilə Sync etdim və bütün nömrələri rahatca bu telefona yükləyə bildim. Bu, xoşuma gəldi.
– MS Ofis proqramlarının telefonun üzərində gəlməsi super oldu.
İndi isə, keçim mənfi cəhətlərinə:
– İlk problem mini SIM card oldu, telefonla işləmək üçün SİM kartımı dəyişməli oldum. Bu telefonlara standart SİM kartlar getmir.
– Call log-da bir nömrəyə ardıcıl olaraq nə qədər zəng etsən, hərəsi bir-bir göstərəcək, qruplaşma yoxdur.
– Zəng edərkən telefon öz-özünə restart gedirdi, sonra Zune-da yeni versiyası çıxdı, yenilədim. İndi zəng edəndə yox, danışan vaxtı eyni proses olur.
– Marketplace-da app çox azdır, maraqlıları isə çoxu pulludur (Angry Birds və s.)
– Danışarkən gərək telefonu konkret düz tutasan, bir az əyən kimi səsin yoxa çıxır.
– Batareyası başıma oyun açır, yatıb-dururam, görürəm telefon sönüb 🙂
– Batareyanı dəyişmək olmur. Bu da pisdir, bundan əvvəl məndə Ideos X5 var idi, onun üçün ebay-dan 2-3 dənə batareya almışdım, vacib lazım olanda, elə o dəqiqə dəyişirdim. Amma bunda gərək enerji mənbəyi axtarım 🙂
– GPS gah dəqiq verir koordinatları, gah da ki, 1-2 km səhv ilə. Əvvəlki Nokialarda da belədir. Foursquare-da xal yığa bilmirəm 🙂
Hələlik bu qədər.
Məncə, mənfi cəhətləri vaxt keçdikcə düzələcək və müsbətə çevriləcək.
4 Aprel Web Ustalar günü
Wednesday, 4 April, 2012 14:56
Bu gün, 4 aprel Web Ustalar günüdür. Bu barədə Rusların weboxu-su olan habrhabr saytından oxudum.
Bütün Web yaradıcıları, Dizaynerləri, Koderləri, Proqramçıları bu gün münasibəti ilə təbrik edirəm.
Əslində bu günü təsadüfən seçməyiblər 4 aprel – məşhur 404 səhvinin şərəfinə qeyd edilir 🙂
Həmçinin bu gün beynəlxalq İnternet günüdür.
İllik hesabatım (2011-ci il)…
Saturday, 31 December, 2011 19:01
 |
 |
 |
 |
2009 və 2010-cu illərki kimi bu ilin sonunda da post yazımı illik etdiyim işgüzar və sosial işlərimin, səyahətlərimin, bildiklərimin və öyrəndiklərimin hesabatını bloqumda yazıb sizlərlə bölüşməyi özümə borc bilirəm.
MilliNet 2011 – Verdiyim səslər…
Sunday, 25 December, 2011 03:08
Bu il keçirilən MilliNet-də də münsiflər heyətində idim. Get gedə daha da ciddi və hər dəfə münsiflər heyətinə yeni peşəkarların cəlb edilməsi MilliNet Milli İnternet Mükafatının səviyyəsini daha da artırır. Düzdür qayda olaraq narazı qalanlar da var idi, amma düzünü deyim saytlar artdıqca keyfiyyətlərinin aşağı düşməsi bir az ürək ağrıdan bir hal idi.
Kateqoriyalar üzrə hansı saytın qalib gəlməsini millinet.az saytından baxa bilərsiz.
Mən bu postumda MilliNet-də hansı sayta neçə xal və nə qeydlər etdiyimi yazacağam. Ümid edirəm ki bu postumun hesabına digər sayt sahibləri də bir az özlərinə gələcəklər və iştirak edən saytlar isə öz saytlarında düzəlişlər edəcəklər ki gələn il daha da şansları artsın.
Read the rest of this entry »
İlk Addımlar layihəsinin inkişafı üçün könüllü axtarışında…
Thursday, 8 September, 2011 00:35
İlk Addımlar layihəsinin yeni versiyası üzərində çalışıram, bununla əlaqədar digər layihələrin də proqramlaşdırılması üzərində işlədiyim üçün görürəm ki, artıq mənə köməkçi lazımdır.
Ona görə də, İlk Addımlar layihəsinin yeni versiyasını işə salmaq üçün könüllülər axtarışına başlayıram.
Tələblər:
– Kompüterdə gözüyumulu işləməli
– PHP/MySQL bilməli
– Java ilə JavaScripti ayırmalı
– HTML/CSS/jQuery-də qurdalana bilən
– Digərlərinin kodlarında qurdalanıb sərbəst işləyə bilsin
– Sual yox, məsələnin həllini vermək bacarığı olsun
– Bildiyi dillər yalnız Azərbaycan dili ilə bitməməli (rus və ingilis dilini bilməsə də olar)
– Bu məsələlərin cavabını (PHP kodda) mailə göndərməlidir:
1) a və b dəyişənlərinin qiymətlərini əlavə 3-cü dəyişən olmadan dəyişmək.
Məs:
a = 4, b = 7
proqram icra olduqdan sonra:
a = 7, b = 4
2) 1-dən 10-a qədər fibonaççi ədədlərini ekrana çıxaran proqram yazsın.
– Bir də, bu şüarı unutmamalıdır: Danışmaq yox, nəticə göstərmək lazımdır!
Şərt və tələblər:
– İlk Addımlar layihəsinin üzərində gündə minimal 8 saat, həftədə 5 gün olmaq şərti ilə işləyəcək (Tələbələr dərsdən sonra da qoşula bilərlər, onda vaxt məsələsini danışa bilərik.)
– Layihənin icrası təxminən 2 ay olacaq.
– Gündəlik 1 dəfə yemək, çay, rahat otaq şəraiti təşkil edilir.
Tələblər haqqında qısa məktub, məsələnin cavablarını, CV-ni e-poçtuma göndərin: rashad@aliev.info
Son sənəd qəbulu 12 Sentyabr-a qədərdir.
Seçim barədə nəticəni zəng edib bildirəcəyik.