Təqdimatlar gedir…
Saturday, 2 August, 2008 14:33
Artıq Təqdimatlar gedir, bir hissəsi gedib, indi ardı gedir. Yorulmuşam, zalda oturub bloqumda yazıram. Bu gün gözəl təqdimatlarımız oldu. Azərbaycandan təkcə mənim olmağıma baxmayaraq 2 təqdimatımız oldu. 1-i Vahid müəllimin Bakı-Bişkek Telekörpü ilə “Telekörpü mövzusunda” təqdimatı, ondan bir az sonra isə mənim “Mobil İnternet (WAP)” barədə təqdimatım oldu.
Təqdimatımda WAP barədə qısa məlumat verdim, Statistik məlumatlar, Azərbaycanda və Dünyada WAP-ın vəziyyəti və WAP-dan qazanc barədə danışdım. Qazancda Azərbaycanda kechirtdiyim təqdimatdan fərqli olaraq WAP Push barədə də danışdım. Onu deyim ki get-gedə artıq sərbəst təqdimat aparmağı öyrənirəm 🙂 Təqdimatımdan sonra bir neçə şirkət yaxınlaşıb əlaqə üşün Vizit kartımı istədilər. Mobil İnternet hal-hazırda burdakıların bir çox hissəsinin maraq dairəsindədir.
Təqdimatımla maraqlananlar bu linkdən Power Point versiyasını yükləyib baxa bilərlər.
Opening Party – Images
Saturday, 2 August, 2008 04:13
If u need download all photos click here (64.21 MB) 🙂
BarCamp Central Asia – Başladı
Friday, 1 August, 2008 12:31
BarCamp Central Asia, artıq qeydiyyat başlayıb. Düşmənlər bu gün səhər gəliblər 3 nəfərdir, 2-si indi burdadırlar. Yer superdir. Azərbaycandan da bu gün şad xəbərlər gəldi Yerli BarCamp-ımızla əlaqədar, çox sevindim. İndi o sevincimin nəticəsini gözləmək lazımdır.
Bu Barcamp-da Mobil İnternet (WAP) barədə danışmağı planlaşdırmışam. Hal-hazırda bloqumda yazmağımdan bağqa ona da hazırlaşıram.
Qeydiyyat vaxtı çəkdiyim videoya burdan baxa bilərsiz. Axşam party olacaq.
Əlixan Səmədov balaban haqqinda kitab nəşr etdirib
Friday, 1 August, 2008 12:16
Dünən dostum Turxan çox dəyərli bir xəbər verdi mənə, oxuyanda çox sevindim, sizlərə də bu məlumatı öz saytlarınızda yerləşdirib yaymağı məsləhət görürəm. Xəbər sevimli ifaçımız Əlixan Səmədov haqqındadır.
Türkiyədə məşhur xalq nəfəs aləti – balaban ifaçısı Əlixan Səmədovun yeni kitabı nəşr olunub. Kitab “Balaban metodu” adlanır. Bu nəşrdə həmin musiqi aləti, onun hazırlanması, istifadə qaydaları haqqında danışılıb. Kitab üç dildə nəşr olunub: türk, rus və ingilis. Kitab PALMALİ şirkətinin dəstəyi ilə nəşr olunub. 136 səhifəlik rəngli və yüksək keyfiyyətlə çap edilən kitab balaban ifaçılarılar yeni bir yenilik olacaq. Belə ki, kitabda balabanın hazırlanması, ifası, tarixi və balaban üçün not təlimləri yer alıb.
Qeyd edək ki, məşhur Azərbaycan musiqiçisi Əlixan Səmədov bir neçə ildir ki, Türkiyədə yaşayır və işləyir. Bir neçə yerli və xarici mükafatların qalibi və laureatıdır.
Xəbəri Turan İnformasiya agentliyi yayıb.
Almata
Friday, 1 August, 2008 10:31
Avqust ayının 1-3-ü Qırğızıstanın paytaxı, Bişkekdə BarCamp Cenral Asia keçirilməsi planlaşdırılıb. Bu məqsədlə Netf ölkəsi, “İnformasiya Texnologiyalarının inkişaf etdirilməsinə” (dırnaq arasında : ) xüsusi marağın olmağımıza baxmayaraq, heç bir sponsor tapmadığımıza görə (İMAİR-ə müraciət etmişdik) və Ermənistandan olan komanda üçün sponsor tapıldığına görə hər şeyi atıb Azərbaycanı təmsil etmək üçün öz hesabıma (yay ayı olmasına, və s krizislərə baxmayaraq vətənə sevgim hər şeydən üstündür deyib) bu qeyri konfransda iştirak etməyi qərara aldım. Aerokassadan Bişkekə birdəfəlik reys olmadığı üçün 1 həftəlik (gedirəmsə bir az oraları da gəzim baxım) Almata-Bakı-Almata bileti aldım.
İnformasiya mübadiləsi proqramları. E-mail. Messengerlər. Audio və video konfrans. Audio və video fayllarla iş. Audio və video faylların internetdə yerləşdirilməsi…
Monday, 28 July, 2008 10:58
26 İyul Multimedia Mərkəzi tərəfindən “Jurnalistlərin İKT bacarıqlarının artırılmasına dəstək” Layihəsi çərçivəsində növbəti Treninq keçirilib.
Treninqdə müxtəlif KİV-lərdə çalışan jurnalistlər və jurnalist-tələbələr iştirak edib.
SAHİL İnformasiya Texnologiyaları Mərkəzinin rəhbəri Vahid Qasımov “İnformasiya mübadiləsi proqramları. E-mail. Messengerlər. Audio və video konfrans. Audio və video fayllarla iş. Audio və video faylların internetdə yerləşdirilməsi” mövzusunda təqdimatla çıxış edib. Mövzu ətrafında praktiki nümunələr təqdim olunub. Treninq iştirakçılarını maraqlandıran çoxsayllara aydınlıq gətirilib.
Növbəti Treninqlərdə Jurnalistlərin İKT ilə bağlı bacarıqlarının təkmilləşdirilməsi istiqamətində digər mövzular ətrafında məşğələlər keçiriləcək.
Layihə çərçivəsində cari ilin sonunadək keçirilməsi nəzərdə tutulan treninqlərdə 60-dək Jurnalist iştirak edəcək. Həmçinin Layihə çərçivəsində İKT-dən yazan Jurnalistlərin şəbəkəsinin yaradılması , İKT ilə bağlı Jurnalistlər üçün metodiki vəsaitin hazırlanması və İnformasiya Cəmiyyətində medianın rolu ilə bağlı ictimai diskussiyaların təşkili nəzərdə tutulub.
Layihənin əsas məqsədi jurnalistlərin peşəkarlığının artırılmasına köməklik göstərmək, İnformasiya Cəmiyyətinin tələblərinə cavab verən jurnalistlər hazırlamaq, media subyektlərinin fəaliyyətini müasir tələblər baxımından təkmilləşdirmək üçün metodiki–informasiya dəstəyi göstərməkdən ibarətdir.
Layihə İREX təşkilatı tərəfindən dəstəklənib.
Növbəti treninqdə Məruzəçi Emin Hüseynzadə olacaq və o treninqdə Bloqlar haqqında danışacaq.
WEB2 proqramçıları üçün…
Thursday, 24 July, 2008 18:46
Son günlər Seminar, Konfrans, Treninqlər barədə məqalələr yazıram. Bu dəfə bir az WEB (əsasən də PHP) proqramçılar üçün lazımi alətlər haqqında yazmağı düşündüm. Dünən Adil bizdə idi, Ajax səhifələr-də load olunarkən çıxan indikator barədə danışdı və onları axtardığını dedi. Mən də eləmə tənbəllik axşam başladım axtarmağa. 1-2 maraqlı link çıxdı qarşıma www.ajaxload.info saytı, çox gözəldir. İstədiyin növ formanı və rəngini seçirsən sonra qəbul edəndən sonra onun görüşününə baxıb yükləyə bilərsən. http://mentalized.net/activity-indicators/ ünvanında isə bəzi dizaynerlərin düzəltdikləri indikatorlar və saytlarının ünvanları qeyd edilib.
Sonra isə PHP proqramçılar üçün daha bir maraqlı proqram haqqında danışım. Demək belə, yəqin ki çoxlarınız mənim kimi PHP-ni editorlarda yazırlar. Əsasən də EmEditor 🙂 PHP-nin xüsusi Visual Basic kimi Visual redaktoru olması barədə məlumatı yoxdur. Belə ki bu yaxınlarda Delphi özünün xüsusi Delphi For PHP paketini hazırlayıb istifadəçilərə verib. Bu sistemdə çox imkanlar var, mən hardansa onun crackini tapmışdım. Əgər kimə isə lazım olsa xəbər eləsin kompüteri qordalayıb onu saytda qoyum yükləyin. Hələlik isə proqram haqqında burdan oxuya bilərsiz. http://delphiforphp.ru/
Azərbaycanda WAP və inkişafı mövzusunda olan seminar haqqında
Wednesday, 23 July, 2008 06:57
Dünən 22 İyul, Azərbaycanda WAP və inkişafı mövzusunda seminar oldu. Məruzəmin uğurlu alınıb alınmamasını dinləyicilər deyə bilər. Özüm onu deyə bilərəm ki çox səs-küyə səbəb oldu bu seminar, maraqlı müzakirələr gedirdi. Press reliz və şəkilləri yaxın günlərdə yerləşdirərik. İndi isə Seminara gələ bilməyənlər üçün təqdimatın faylını yerləşdirirəm.
Yeni formatda MiniBar olacaq
Sunday, 20 July, 2008 08:19
BarKamp Azərbaycan 2008-in şəbəkəsində qərara gəldik ki MiniBarlarımızın formatını bir az dəyişək. Ona görə də növbəti MiniBar-ımız haqqında elan verdik.
22 iyul, saat 16:00-da “BarKamp Azərbaycan 2008″ qeyri-kofransına hazırlıq çərçivəsində təşkl edilmiş növbəti MiniBar olacaq.
Yeni formatda təşkil edilmiş MiniBar-da BarKamp haqqında məlumatdan başqa hər hansı bir mövzu haqqında seminar olacaq.
Mövzu: Azərbaycanda WAP və inkişafı
Seminarın planı:
- mobil İnternet və wap
- mobil internet istifadəçiləri
- mobil saytlar
- mobil operatorlarda vəziyyət
- azərbaycanda wap-dan qazanc
- dünya praktikası
Məruzəçi: Rəşad Əliyev
Ünvan: “RİA Novosti” agentlyinin zalı (Bəşir Səfəroğlu küç. 195)
Əlaqə:
(+994 50) 6482737
rashad_a@barcamp.az
www.barcamp.az
İlk seminar baş tutdu
Saturday, 19 July, 2008 19:36
Düzdür treninqdə özüm iştirak edə bilmədim, amma ki Osman müıllimlə əlaqə saxladım dedi gözəl alınıb. Qısmət olsa növbəti treninqlərdə iştirak edəcəyəm.
Bu gün Multimedia Mərkəzi tərəfindən “Jurnalistlərin İKT bacarıqlarının artırılmasına dəstək”Layihəsi çərçivəsində təşkil olunan Treninqlərə start verilib.
Treninqlərdə müxtəlif KİV-lərdə çalışan jurnalistlər və jurnalist-tələbələr iştirak edəcək.
Layihənin rəhbəri Osman Gündüz Layihə haqqında və Layihə çərçivəsində keçiriləcək məşğələlərin mövzuları və Trenerlər haqqında Jurnalistlərə məlumat verib. O, Layihənin əsas məqsədinin jurnalistlərin peşəkarlığının artırılmasına köməklik göstərmək, İnformasiya Cəmiyyətinin tələblərinə cavab verən jurnalistlər hazırlamaq, media subyektlərinin fəaliyyətini müasir tələblər baxımından təkmilləşdirmək üçün metodiki–informasiya dəstəyi verməkdən ibarət olduğunu qeyd edib.
Mətbuat Şurasının sədr müavini Umud Rəhimli , BDU –nun Mətbuat Tarixi kafedrasının müdiri Cahangir Məmmədli və ekspert Azər Həsrət çıxış edərək Jurnalistlərin peşəkarlığı üçün İKT bacarıqlarına malik olmağın mühüm əhəmiyyət kəsb etdiyini bildiriblər və onlara Treninqlərdə uğurlar arzulayıblar.
İlk məşğələmin mövzusu “İnternetdə axtarış. Azərbaycan dilində axtarış. Müxtəlif axtarış proqramları. Şəkil və digər müxtəlif formatlı informasiyaların axtarışı. Saytların qeydiyyatı. Kataloqlar. Jurnalistlər üçün internet resurslar “ haqında olub . Meqa şirkətinin təmsilçisi Qabil Qasımov vəı Zabil Ibayevin mövzu ilə bağlı təqdimatları olub. Treninq iştirakçılarını maraqlandıran çoxsaylı sualları nəzərə alınmaqla praktiki nümunələr təqdim olunub.
Növbəti Treninqlərdə Jurnalistlərin İKT ilə bağlı bacarıqlarının təkmilləşdirilməsi istiqamətində digər mövzular ətrafında məşğələlər keçiriləcək.
Layihə çərçivəsində cari ilin sonunadək keçirilməsi nəzərdə tutulan treninqlərdə 60-dək Jurnalist iştirak edəcək. Həmçinin Layihə çərçivəsində İKT-dən yazan Jurnalistlərin şəbəkəsinin yaradılması , İKT ilə bağlı Jurnalistlər üçün metodiki vəsaitin hazırlanması və İnformasiya Cəmiyyətində medianın rolu ilə bağlı ictimai diskussiyaların təşkili nəzərdə tutulub.
Layihə İREX təşkilatı tərəfindən dəstəklənib.